నవ్వు నలభై రకాల మేలనేది నేటి నిపుణులు చెబుతున్న మాట. మానసిక ఒత్తిడిని దూరం చేయటంతో బాటు మేలైన ముఖ వ్యాయామంగానూ నవ్వు పనిచేస్తుంది. కాలంతో బాటు మనిషి కూడా పరిగెత్తే ఈ రోజుల్లో ఒత్తిడి సహజం కనుక లాఫింగ్ క్లబ్బులు, లాఫ్టర్ థెరపీల మీద ఆధారపడాల్సిన పరిస్థితి. వీటిలో నవ్వటం ద్వారానే పలు అనారోగ్య సమస్యలను దూరం చేసే ప్రక్రియే లాఫ్టర్ థెరపీ. దీనివల్ల కలిగే ప్రయోజనాలు.. 

  • నవ్వటం ద్వారా శరీర కండరాలు విశ్రాంతి పొందుతాయి, నవ్వుతో రక్తనాళాలు వ్యాకోచించి శరీరమంతా రక్తప్రసరణ బాగా జరుగుతుంది. మానసిక ఒత్తిడి కలిగించే హార్మోన్ల స్థాయిని నవ్వు తగ్గిస్తుంది.
  • నవ్వు రోగ నిరోధక వ్యవస్థను బలోపేతం చేస్తుంది.
  • నవ్వినపుడు మనిషి సహజంగానే ఎక్కువగా ప్రాణవాయువును పీల్చుకుంటాడు. ఫలితంగా గొప్ప ఉపశమనాన్ని పొందుతాడు.
  • నవ్వినప్పుడు శరీరంలో ఎక్కువ ఎండార్ఫిన్స్ ఉత్పత్తి అవుతాయి, ఇవి ఆర్ధ్రైటిస్‌, స్పాండిలైటిస్‌, కండరాల నొప్పులు మైగ్రేన్‌, ఉద్రిక్తత మూలంగా వచ్చే తలనొప్పులను తగ్గిస్తాయి.
  • నవ్వు ఊపిరితిత్తుల సామర్ద్యాన్ని పెంచుతుంది. ముఖ్యంగా బ్రాంకైటిస్‌, ఉబ్బస బాధితులకు ఎంతో మేలు చేస్తుంది. రక్తంలో ప్రాణవాయువు స్థాయిని కూడా నవ్వు పెంచుతుంది.
  • రోజూ 10 నిమిషాలు లాఫ్టర్ థెరపీ చేయటం ద్వారా అధిక రక్తపోటు అదుపులోకి వస్తుంది.
  • లాఫ్టర్ థెరపీ ఎయిరోబిక్‌ ఎక్సర్‌సైజ్‌ వంటిది. దీనివల్ల గుండె, రక్త సరఫరా వ్యవస్థ పనితీరు మెరుగుపడుతుంది. ముఖ్యంగా నీడపట్టున ఉండేవారికి ఇదెంతో మంచిది.
  • లాఫ్టర్‌ థెరపీ చేసేవారికి డిప్రెషన్‌, ఆందోళన, నరాల బలహీనత , నిద్రలేమి తదితర సమస్యలు రావు. ఉన్నా దూరమవుతాయి.
  • ఈ ప్రక్రియ మూలంగా ముఖ కండరాలకు తగిన వ్యాయామం లభించి అక్కడి కండరాలకు రక్త సరఫరా మెరుగుపడుతుంది . దీనివల్ల ముఖచర్మం కాంతివంతమవుతుంది.
  • ఈ ప్రక్రియ వల్ల ముభావంగా ఉండేవారు సైతం ఇతరులతో కలుపుగోలుతనంగా ఉంటారు. దీనివల్ల మానవ సంబంధాలు మెరుగుపడతాయి.



Recent Stories







bpositivetelugu

మేలైన ఆరోగ్యానికి ఈ యాప్స్‌ వాడాల్సిందే ..!

ఇప్పటి రోజుల్లో ఎవరిచేతిలో చూసినా స్మార్ట్ ఫోన్ కనిపిస్తోంది. దీంతో పలు అవసరాలకు పనికొచ్చే యాప్స్ వినియోగం 

MORE
bpositivetelugu

ముక్తిసాధనకు గీతామార్గం

 భగవంతుడైనశ్రీకృష్ణుడు భక్తుడైనఅర్జునునుకి బోధించిన ఉపదేశసారమే భగవద్గీత. జీవితంలోఎదురయ్యే ప్రతి సమస్యకూ గీత 

MORE