• HOME
  • అందం
  • మండే వేసవిలో చర్మ సంరక్షణ

ఇతర కాలాలతో పోల్చితే వేసవిలో చర్మసౌందర్యం దెబ్బతినే ప్రమాదం ఎక్కువ. ప్రతిఒక్కరూ ఎంతోకొంత సమయం వృత్తివ్యాపకాల్లో భాగంగా ఎండలోకి వెళ్ళటం తప్పదు గనుక అందరూ ఈ వేసవిలో చర్మ ఆరోగ్యం మీద ప్రత్యేక శ్రద్ధ పెట్టటం ఎంతైనా అవసరం. నిపుణులు సూచిస్తున్న ఈ జాగ్రత్తలు పాటించటం ద్వారా ఈ వేసవిలో చర్మ సౌందర్యం దెబ్బతినకుండా చూసుకోవచ్చు.

  • వేసవిలో సహజంగానే శరీరంలోని తేమ తగ్గిపోవటం ఎక్కువ. ఎండలోకి వెళ్ళినప్పుడు ఈ ప్రభావం రెట్టింపు అవుతుంది. అందుకే.. ఎండలోకి వెళ్ళటానికి ముందు ముఖం, మెడ, చేతులకు రోజ్ వాటర్‌ రాసి, ఆ తర్వాత వాటర్ కలిసిన మాయిశ్చరైజింగ్ క్రీము రాసుకుంటే మంచిది.
  • ఎండలో తిరగటం వల్ల చర్మం బాగా పొడిబారుతుంది మాటిమాటికీ సబ్బుతో కడిగితే చర్మం మీది సహజసిద్ధమైన తైలాలు హరించుకుపోయి, మరింత పొడిబారుతుంది. కనుక వేసవిలో సబ్బు వినియాగానికి బదులు చల్లని నీటితో కాళ్ళు, ముఖం కడుక్కోవాలి.
  • భరించలేని వేడి, ఉక్కపోత, చెమట కారణంగా వేసవిలో దాహంతో నిమిత్తం లేకుండా ప్రతి అరగంటకూ నీరు తాగుతూనే ఉండాలి. లేకుంటే ఆ ప్రభావం చర్మ ఆరోగ్యం మీద పడకమానదు.
  • వేసవిలో మధ్యాహ్నపు ఎండలో అతినీలలోహిత కిరణాల తీవ్రత అధికంగా ఉంటుంది. ఈ కిరణాలు చర్మంలోపలి పొరల్లోకి చొచ్చుకుపోయి కొల్లాజెన్‌ను దెబ్బతీసి చర్మం ముడతలు పడేలా చేస్తాయి. అందుకే ఈ సీజన్లో మరీ అవసరమైతే తప్ప మధ్యాహ్న వేళ ఎండలో తిరగకపోవటమే మంచిది. తప్పక వెళ్లాల్సి వస్తే ఎస్‌పీఎఫ్ 15 ఉన్న సన్‌స్క్రీన్ లోషన్‌ను ఎండతగిలే చోట రాసు కోవాలి.
  • వేసవిలో లేత రంగుల పల్చటి కాటన్ దుస్తులు వాడటం మంచిది. ఈ సీజన్లో దుస్తులు ఒంటిని కప్పేలా ఉండేలా చూసుకోవటం ద్వారా ఎండా ప్రభావాన్ని అధిగమించవచ్చు. ఎండలో బయటకి వెళ్ళేటప్పుడు టోపీ లేదా గొడుగు వాడడం మరచిపోవద్దు.
  • వేసవిలో తేలికగా జీర్ణమయ్యే ఆహారాన్ని కొంచెం కొంచెంగా తీసుకోవటంతో బాటు పండ్లు, కూరగాయల వినియోగాన్ని పెంచాలి. మసాలా తగ్గించుకోవటంతో బాటు పగటివేళల్లో మాంసాహారానికి దూరంగా ఉండటం మంచిది.
  • ఈ వేసవిలో రోజుకు కనీసం ఒక గ్లాసు చొప్పున మజ్జిగ, పండ్లరసం, రాగి జావ, సబ్జాగింజల నీరు తీసుకోవాలి. దీనివల్ల దేహంలోని వేడి తగ్గడంతోపాటు విలువైన పోషకాలు లభిస్తాయి. చర్మం తాజాగా ఉంటుంది.
  • ఏసీలో ఉండేవారు బయటికి వెళ్లాల్సి వస్తే నేరుగా ఎండలోకి వెళ్లకుండా కాసేపు ఏసీ నుంచి బయటికి వచ్చి నీడలో నిలబడి ఆ తర్వాత వెళ్ళాలి. అలాగే బయటినుంచి రాగానే నేరుగా ఏసీలోకి వెళ్లకుండా కాస్త ఆగి ఏసీ ఆన్ చేయాలి.
  • వేసవిలో ఎండ కారణంగా ముఖం మంటగా ఉంటే ఐస్‌ ముక్కతో ముఖం మర్దన చేసుకుని మాయిశ్చరైసర్ రాసుకోవాలి.
  • వేసవిలో టమాటా, కీరా ముక్కలతో రుద్దుకొంటే ముఖ చర్మం మీద చేరిన జిడ్డు వదిలిపోతుంది.
  • వేసవిలో జుట్టును కురచగా కత్తెరించుకోవటం వల్ల సౌకర్యంగా ఉండటమే గాక ఎండా ప్రభావాన్ని కూడా తగ్గించగలము. వేసవిలో రాత్రివేళ నూనె రాసుకొని ఉదయాన్నే తలస్నానం చేసి కండీషనర్ రాసుకోవటం అవసరం. అలాగే హెన్నావినియోగం కూడానా రక్షణ కల్పిస్తుంది.
  • వేసవిలో ఈత కొట్టేవారు నీటిలోని క్లోరిన్ శాతాన్ని గమనించాలి. లేకుంటే కేశ సౌందర్యం దెబ్బతింటుంది. ఈత కొట్టేటప్పుడు తలకు మాస్క్ పెట్టుకొంటే ఈ ఇబ్బందిని అధిగమించవచ్చు.

వేసవిలో రెండుపూటలా చన్నీటితో స్నానం చేయాలి. స్నానం చేసేటప్పుడు స్క్రబ్బర్‌లను బదులు చేతులతోనే ఒళ్ళు రుద్దుకోవాలి.



Recent Stories







bpositivetelugu

పరిమళాల వాడకంలో మెళకువలు

మనసుకు, శరీరానికి హాయినిచ్చే పరిమళాలను ఇష్టపడని వారుండరు. ముఖ్యంగా మహిళలు, యువత ఈ విషయంలో ముందుంటారు.

MORE
bpositivetelugu

రంజాన్ దాన, ఉపవాసాల విశేషాలు

ఏ పండుగైనా శాంతిని, మానవాళి హితాన్నే ప్రబోధిస్తుంది. రంజాన్ (రమదాన్) పండుగా ఇదేవిషయాన్ని చెబుతోంది. ఇస్లామీయ కేలండర్లో

MORE