• HOME
  • అందం
  • వర్షాకాలంలో హెయిర్ కేర్

ఈ రోజుల్లో వాన జల్లుల్లో తడవటం సహజమే. ఇలా తడిసిన ప్రతిసారీ ఆ ప్రభావం జుట్టు మీద ఖచ్చితంగా పడుతుంది. దీంతో పట్టుకుచ్చులాంటి జుట్టు కళతప్పి వెలవెలబోతుంది. అందుకే వానాకాలంలో కురుల సంరక్షణ మీద ప్రత్యేక శ్రద్ధ పెట్టాలి. ఈ విషయంలో సౌందర్య నిపుణులు సూచిస్తున్న కొన్ని అంశాలు... 

  • జుట్టుకు ప్రధాన శత్రువు.. చుండ్రు. వానలో తడిస్తే చుండ్రు మరింతగా విజృంభిస్తుంది. అందుకే వానలో తడిసినప్పుడు పెరుగు లేదా రి ఫైయిన్డ్ ఆయిల్ తో మాడు, జుట్టుకు మసాజ్ చేసి అరగంట తర్వాత తలస్నానం చేయాలి.
  • తడిచిన జుట్టును రోజంతా అలాగే వదిలేస్తే దుర్వాసన రావటంతో బాటు జుట్టు చిట్లటం, రాలటం జరుగుతుంది. అందుకే వానలో తడిసినప్ప్పుడు తడిజుట్టును దువ్వకుండా ముందుగా మెత్తని, పొడి తువ్వాలుతో తల తుడుచుకొని ఆ తర్వాతే దువ్వుకోవాలి. తువ్వాలుతో తల తుడుచుకుంటే అది.. మర్దనగా పనిచేస్తుంది.
  • తలస్నానానికి ముందు ఆముదం వంటి చిక్కని నూనె రాయకూడదు. బాదాం, కొబ్బరినూనె వంటి పలుచని నూనెలు కొద్దిగా వేడిచేసి తలకుపట్టించి మర్దన చేసి దువ్వెనతో తల దువ్వుకోవాలి. దీనివల్ల మాడుకు రక్తప్రసరణ పెరిగి కేశ మూలాలు బలపడతాయి.
  • చుండ్రు బాధితులు తలస్నానం తర్వాత మంచి కండిషనర్ వాడాలి.
  • బయటకువెళ్ళేవారు వానలో తల తడవకుండా గొడుగు వాడటం వంటి జాగ్రత్తలు తీసుకొంటే మరీ మంచిది.
  • తడిజుట్టును ఆరబెట్టేందుకు హెయిర్ డ్రైయర్ వాడరాదు. వాడితే జుట్టు కొనలు చిట్లి జుట్టు పొడిబారిపోతుంది.
  • వానాకాలంలో హెయిర్ కలరింగ్ లేదా స్ట్రైయిట్ హెయిర్ చేయించుకోవడం మంచిది కాదు.
  • వర్షాకాలంలో వారానికి 2 సార్లు కొబ్బరి నూనెలో కరివేపాకు వేయించి ఆ గోరువెచ్చని నూనెను జుట్టుకు పట్టించి హెర్బల్ లేదా యాంటీ డాండ్రఫ్ షాంపూతో తలస్నానం చేస్తే జుట్టు ఒత్తుగా,నల్లగా మారుతుంది.
  • కాలుష్యం వల్ల జుట్టు పొడిబారి, రాలుతుంటే వారానికి కనీసం రెండు సార్లు హెర్బల్ షాంపూతో తలస్నానం చేయాలి.



Recent Stories







bpositivetelugu

మేలైన ఆరోగ్యానికి ఈ యాప్స్‌ వాడాల్సిందే ..!

ఇప్పటి రోజుల్లో ఎవరిచేతిలో చూసినా స్మార్ట్ ఫోన్ కనిపిస్తోంది. దీంతో పలు అవసరాలకు పనికొచ్చే యాప్స్ వినియోగం 

MORE
bpositivetelugu

ముక్తిసాధనకు గీతామార్గం

 భగవంతుడైనశ్రీకృష్ణుడు భక్తుడైనఅర్జునునుకి బోధించిన ఉపదేశసారమే భగవద్గీత. జీవితంలోఎదురయ్యే ప్రతి సమస్యకూ గీత 

MORE