వానాకాలం వచ్చేసింది. వారాల తరబడి పట్టే ముసురు కారణంగా ఎండ పొడ లేక ఏర్పడే చిత్తడి వాతావరణం పలు రకాల ఇన్ఫెక్షన్లకు కారణం అవుతుంది. అయితే కొన్ని జాగ్రత్తలు పాటించటం,  అలవాట్లు మార్చుకోవటం ద్వారా  ఈ తరహా ఇన్ఫెక్షన్ల బారినుంచి సులభంగా తప్పించుకోవచ్చు. అవి..

  • కాచివడపోసిన నీటిని లేక ప్రమాణాల మేరకు శుభ్రపరచిన నీరు మాత్రమే తాగాలి.
  • పండ్లు, కూరగాయలు, ఆకుకూరలను ఒకటికి రెండు సార్లు జాగ్రత్తగా కడిగి మాత్రమే వాడాలి.
  • మంచి నీటి పైపుల్లో లీకేజీలు ఉంటే మురుగు, వర్షపు నీరు కలిసే ముప్పు ఉన్నందున వేసవిలోనే ఈ మరమ్మతుల మీద దృష్టి పెట్టాలి.
  • ఎప్పటికప్పుడు నీళ్ళ సంపులు, ఓవర్ హెడ్ టాంకులు బ్లీచింగ్ పౌడర్ వాడి  శుభ్రం పరుచుకోవాలి. 
  • ఇంటి ఆవరణ, పరిసరాల్లో వాన నీరు నిలవకుండా చూసుకోవటంతో బాటు సమీపంలో ఎండిన కొబ్బరి టెంకలు, వాడి పారేసిన ప్లాస్టిక్ డబ్బాలు, డ్రమ్ములు వాహనాల పాత టైర్లు వంటివి లేకుండా చూడాలి.  లేకుంటే  దోమలు, ఇతర కీటకాల ముప్పు తప్పదు.
  • అన్నం, కూరలు ఏరోజు చేసినవి ఆరోజే తినాలి. వృధా అవుతాయని చద్దివి తినరాదు.
  • ఈగలు, దోమలు వాలకుండా వంట పాత్రలు, మంచినీటి పాత్రల మీద మూతలు పెట్టాలి.
  • వానలో తడిసి ఇంటికి రాగానే పాదరక్షలు బయట విప్పి కాళ్ళు శుభ్రంగా కడుక్కోవాలి. ఇంట్లో చెప్పులు వేసుకుని తిరిగే అలవాటు మానుకోవటం మంచిది.
  • స్నానం చేసి ఒళ్ళు తుడుచుకొనేటప్పుడు చంకలు, గజ్జలలో తడి లేకుండా తుడుచుకొని పొడి దుస్తులు ధరించాలి.
  • కాలి మడమలు, వేళ్ళ మధ్య ఫుంగస్ చేరి చర్మ సమస్య వచ్చే ముప్పును దృస్టిలో పెట్టుకొని ఈ సీజన్లో షూ కంటే గాలి ఆడేలా చెప్పులు వాడటం మంచిది. ఒకవేళ షూ తప్పనిసరి అయితే కాస్త వదులుగా ఉన్నవాటిని ఎంపిక చేసుకోవటం మంచిది.
  • వానాకాలం ఉతికిన బట్టలు ఆరవని విడిచిన బట్టలు మళ్ళీ వేసుకోకుండా కాస్త ఇబ్బంది అయినా ఉతికిన వాటినే ధరించాలి. తడి తువ్వాళ్ళు, పాత బట్టలు కుప్పలుగా వదిలేస్తే ఇన్ఫెక్షన్లు తప్పవని గుర్తించుకోవాలి.
  • చెవి స్రావాలు, చర్మం మీద దద్దుర్లు, మచ్చలు తదితర సమస్యలు కనిపిస్తే వెంటనే వైద్యులను కలిసి తగిన చికిత్స తీసుకోవాలి.
  • వంటగదిలో వాడే పాతబట్టలు, పాత్రలు కడిగే బ్రష్ తదితరాలపై క్రిములు ఎక్కువగా చేరే ముప్పు ఉన్నందున ఎప్పటికప్పుడు వాటిని శుభ్రపరచాలి.

 



Recent Stories







bpositivetelugu

ధన్యజీవులు

 అభిరుచి మేరకు మనిషి ఏ రంగంలోనైనా ఎదగవచ్చు. అయితే , ఆ రంగంలో తాను ఉన్నత స్థితికి చేరేనాటికి, 

MORE
bpositivetelugu

ఐక్యతానురాగాల ప్రతీక.. రక్షాబంధన్

  దేవతారాధన, ప్రకృతి ఆరాధన, ఆత్మీయతానురాగబంధాల కలయికే శ్రావణ మాసం. ఈ విషయంలో ఈ మాసంలో వచ్చే పౌర్ణమి మరింత 

MORE