వానాకాలం, శీతాకాలాల్లోనే బాధించే రుగ్మతల్లో సైనసైటిస్ ఒకటి. మారుతున్న వాతావరణ మార్పులతోపాటు జీవనశైలి కారణంగా ప్రస్తుతం వేసవిలో కూడా సైనసైటిస్‌ బాధితుల సంఖ్యా పెరుగుతోంది. సాధారణ వ్యక్తులతో పోల్చుకుంటే అలర్జీ తత్వం ఉన్నవాళ్లనే ఈ సైనసైటిస్‌ ఎక్కువగా బాధిస్తుంది. అయితే ఈ వేసవిలో కొన్ని జాగ్రత్తలు పాటించటం ద్వారా ఈ సమస్య బారిన పడకుండా చూసుకోవచ్చు. అవి..

  • ఆసుపత్రులు, షాపింగ్ కాంప్లెక్సులు, జాతరల వంటి రద్దీ ప్రదేశాల్లో తిరిగితే క్రాస్‌ ఇన్‌ఫెక్షన్స్‌ సోకే ప్రమాదం ఎక్కువ. కనుక ఇలాంటి ప్రదేశాల్లో తిరిగేటప్పుడు మాస్క్ ధరించటం మంచిది. సినిమా హాళ్లు, కళ్యాణ మంటపాల వంటి చోట సైతం ఈ ముప్పు ఉంటుంది.
  • వేసవిలో కూలర్లో నింపిన నీటిని ఎప్పటికప్పుడు మార్చకపోవటం వల్ల ఆ నీరు కలుషితమై ఇన్‌ఫెక్షన్‌ వచ్చే అవకాశం ఉంటుంది . అలాగే కూలర్‌ మ్యాట్స్‌లో చేరిన ఫంగస్‌ మూలంగా కూడా ఫంగల్‌ సైనసైటిస్‌ వస్తుంది.
  • వేసవిలో ఎండా ధాటికి ఏసీ ఉష్ణోగ్రతను 17 లేదా 18 డిగ్రీలకు తగ్గించుకుంటే వాతావరణం చల్లబడి ముక్కులు బిగదీసి జలుబు చేసి , ఈ సాధారణ జలుబే క్రమముగా సైనసైటిస్‌గా మారొచ్చు. కనుక ఏసీ ఉష్ణోగ్రతను 25 డిగ్రీల వద్ద పెట్టుకోవటం మంచిది.
  • వేసవిలో వృత్తిరీత్యా లేదా సెలవుల పేరిట కొత్త ప్రదేశాల్లో తిరగటం వల్ల కూడా బ్యాక్టీరియా ఇన్‌ఫెక్షన్‌కు గురయ్యే ముప్పు ఉంటుంది. అందుకే.. అలర్జీ బాధితులు వేసవి ప్రయాణాలు తగ్గించుకోవటం మంచిది.
  • ఎలర్జీ తత్వం ఉన్నవాళ్లు వేసవిలో కూల్‌డ్రింక్స్‌, ఫ్రిజ్ లో పెట్టిన నీరు ఎక్కువగా తాగటం వల్ల అలర్జిక్‌ రైనైటిస్‌, అలర్జిక్‌ సైనసైటిస్‌కు గురయ్యే అవకాశాలు ఎక్కువ. కనుక వీటి జోలికి పోకుండా ఉండాలి.
  • సముద్ర, నదీ తీర ప్రాంతాలలో వాతావరణంలో తేమ ఎక్కువ. దాంతో అలర్జీలు సులభంగా వ్యాపిస్తాయి. అందుకే అలర్జీ బాధితులు వేసవిలో ఇలాంటి ప్రాంతాలకు దూరంగా ఉండటంతో బాటు ఒకవేళ అక్కడికి వెళ్లినా ఎండలో తిరగటం తగ్గించుకోవాలి.
  • వేసవిలో అప్పుడప్పుడూ కురిసి పోయే వానల మూలంగా వాతావరణంలో వచ్చే అవాంఛిత మార్పు సైతం సైనసైటిస్ కు కారణం కావచ్చు . అందుకే వర్షం కురిసే సమయంలో, మరునాడు బయట తిరగకుండా జాగ్రత్త పడాలి.



Recent Stories







bpositivetelugu

పరిమళాల వాడకంలో మెళకువలు

మనసుకు, శరీరానికి హాయినిచ్చే పరిమళాలను ఇష్టపడని వారుండరు. ముఖ్యంగా మహిళలు, యువత ఈ విషయంలో ముందుంటారు.

MORE
bpositivetelugu

రంజాన్ దాన, ఉపవాసాల విశేషాలు

ఏ పండుగైనా శాంతిని, మానవాళి హితాన్నే ప్రబోధిస్తుంది. రంజాన్ (రమదాన్) పండుగా ఇదేవిషయాన్ని చెబుతోంది. ఇస్లామీయ కేలండర్లో

MORE