ఈ రోజుల్లో ఉద్యోగులు రోజుకు 8 గంటలపాటు కదలకుండా కూర్చొని పనిచేయాల్సి వస్తోంది. ఇలా అంతసేపు కదలకుండా ఒకే భంగిమలో కూర్చోవటం మూలంగా శరీర బరువంతా వెన్ను చివరి భాగం మీద పడి తీవ్రమైన వెన్నునొప్పికి కారణమవుతోంది. ఈ ఇబ్బందికర పరిస్థితినే వైద్యభాషలో 'కాక్సీడినియా' అంటారు. వెన్ను దిగువ కొసన ఉండే త్రిభుజాకారపు ఎముక వద్ద మొదలయ్యే ఈ నొప్పి క్రమంగా తొడల వరకూ పాకుతుంది. ఈ సమస్య ఉన్నవారి తుంటి వద్ద కొద్దిగా నొక్కినా బాగా నొప్పి కలుగుతుంది. కొందరిలో మూత్రవిసర్జన సమయం లో లేదా ఆ తర్వాత లేచి నిలబడేటప్పుడు కూడా వెన్ను నొప్పి కనిపిస్తుంది.

 కారణాలు

  • మితిమీరిన శరీర బరువు
  • ఎక్కువ దూరము బైక్ నడపటం,
  • కొన్ని రకాల మందుల వినియోగం
  • ఎక్కువకాలము మలబద్దకం బారినపడటం
  • కాక్సిక్స్ ఎముక గాయపడి దాని చుట్టూ ఉండే నరాల పనితీరు దెబ్బతినటం

నివారణ

  • ఎప్పుడూ ఒకే భంగిమలో కూర్చోకుండా లేచి తిరగటం, వెనక్కి వాలి కూర్చోవటం చేయాలి.
  • సుఖవిరోచనం కావటానికి పీచు ఎక్కువగా ఉండే ఆహారం తీసుకోవాలి.
  • కూర్చునే కుర్చీ మెత్తగా ఉండేలా చూసుకోవటం, వెన్ను దిగువన మెత్తని దిండు ఆనుడుగా పెట్టుకోవాలి.
  • నెమ్మదిగా డ్రైవింగ్ చేయటం, గతుకుల రోడ్లకు బదులు దూరమైనా మంచి రోడ్ ను ఎంచుకోవాలి.
  • నొప్పి అనిపించినప్పుడు వేడి నీళ్ళ కాపడం పెట్టటం వల్ల నొప్పి ఉపశమిస్తుంది.
  • సమస్య అనిపించినా తొలినాళ్లలోనే వైద్యుని సంప్రదించి తగిన సలహా కోరాలి.



Recent Stories







bpositivetelugu

సంతోషమయ జీవితానికి..

మనిషి సంతోషంగా జీవితాన్ని గడపాలంటే సంతృప్తి చాలా అవసరం. అయితే మనిషి కోరికలు అనంతం. ఎన్ని కోరికలు తీరినా, మళ్లీ 

MORE
bpositivetelugu

నేడే శుభ శుక్రవారం

మానవాళి పాపాలను దేవుని కుమారుడైన  ఏసుక్రీస్తు తాను  శిలువనెక్కి మోశారు. సిలువపై ఆయన తన రక్తాన్ని చిందించి సమస్త 

MORE