జగజ్జనని 8వ రూపం మహాగౌరి. నంది వాహనంపైమల్లెపూలూ, శంఖం, చంద్రులను తలపించే తెల్లని ఆభ‌ర‌ణములు, వ‌స్త్రాలతో ప్రశాంతమైన వదనంతో భక్తులకు దర్శనమిస్తుంది. నాల్గుచేతుల‌లో వ‌ర‌ద‌, అభ‌య ముద్ర‌లు, త్రిశూల‌ము, ఢ‌మ‌రుక‌ముల‌ను ధ‌రించిన మహాగౌరిని ఎనిమిది ఏళ్ళ బాలికగానే పూజిస్తారు. ఈమె పార్వతి రూపంలో ఉన్నప్పుడు, శివునికోసం మహాతపస్సు చేసింది. అప్పుడు ఆమె శరీరఛ్ఛాయ నల్లగా మారిపోగా ప‌ర‌మ‌శివుడు స్వయంగా గంగాజ‌లముతో ఆమెను అభిషేకించాడట. దాంతో ఆమెకు ఆ మేనిఛ్ఛాయ కలిగిందని పురాణ కథనం.

 మ‌హాగౌరి ధ్యానం, స్మరణ, పూజ, ఉపాసన వల్ల సంచిత పాప‌క‌ర్మ‌ల‌న్నీ న‌శించి, భ‌విష్య‌జ‌న్మ‌ల‌లో కూడా పాప‌ములు ద‌రిచేర‌వు. అసాధారణమైన పనులు సైతం సులభంగా పూర్తవుతాయి. అలౌకిక సిద్ధులు సంప్రాప్తిస్తాయి. సాధ‌కుల మ‌నోవ్య‌పార‌ములు అప‌మార్గ‌ముల నుండి స‌న్మార్గ‌మువైపు మ‌రలుతాయి, స‌ర్వ‌శుభాలు సంప్రాప్తిస్తాయి. ఈ రోజు రవ్వతో చక్రపొంగలి మరియు చక్కర పొంగలిని నైవేద్యంగా అమ్మకు నివేదిస్తారు.

శ్లోకం

శ్వేతే వృషే సమారూఢా శ్వేతాంబరధరా శుచిః ।

మహాగౌరీ శుభం దద్యాత్ మహాదేవప్రమోదదా ॥



Recent Stories







bpositivetelugu

పిల్లల చదువులో పెద్దల పాత్ర

 గతంలో కంటే ఇప్పటి మన విద్యావిధానం పూర్తిగా భిన్నమైనది. అప్పుడు ఉపాధ్యాయుల నిర్ణయం మేరకు పిల్లల చదువు సాగేది. 

MORE
bpositivetelugu

నరక చతుర్దశి పుణ్య విధులు

ఆశ్వయుజ బహుళ చతుర్దశినే నరక చతుర్దశిగా జరుపుకొంటాము. ఇది నరకలోకవాసులకు 

MORE