శారీరక కదలికలు బాగున్నప్పుడే మనిషి రోజువారీ పనులు సక్రమంగా నిర్వర్తించగలడు. ముఖ్యంగా వయసు పైబడే కొద్దీ నడక, వంగిలేవటం వంటి పనులు కష్టతరమవుతాయి. అయితే ముందునుంచే రోజూ భద్రాసనం సాధన చేస్తే ఈ ఇబ్బందులు తొలగిపోయి శారీరక కదలికలు క్రమబద్ధమవుతాయి. 

సాధన పద్దతి

ముందుగా చదునైన చోట ప్రశాంతంగా కూర్చొని రెండు కాళ్ళు ముందుకు చాచాలి. ఇప్పుడు నెమ్మదిగా రెండు కాళ్ళను మడిచి అరకాళ్ళను కలిపి శరీరానికి వీలైనంత దగ్గరగా తీసుకురావాలి. తర్వాత అరచేతులను కలిపి, వేళ్ళను అల్లికగా పెట్టి చిత్రంలో చూపినట్టు పట్టుకోవాలి. వెన్ను నిటారుగా పెట్టి పక్షి రెక్కలు ఆడించినట్లు మోకాళ్ళను పైకి కిందికి ఆడించాలి. దీనివల్ల తుంటి, తొడ కండరాలు సడలి సులభంగా కదులుతాయి. ఇప్పుడు మోకాళ్ళను పూర్తిగా నేలపై ఆనించి వుంచాలి. ఇలా వీలైనంత సేపు వుండి యథాస్థితికి వచ్చి విశ్రాంతి తీసుకోవాలి. ఇలా మరో రెండుసార్లు చేయాలి. 

ఉపయోగాలు

మూత్రకోశ వ్యాధులు, రుతు సంబంధిత సమస్యలు నయమవుతాయి.

సుఖప్రసవానికి దోహదపడుతుంది.

 కిడ్ని, బ్లాడర్‌, జననేంద్రియాలు ఆరోగ్యంగా వుంటాయి.

హెర్నియా, సయాటికా, అజీర్తిని నివారిస్తుంది.

బిరుసెక్కిన తొడ కండరాలు, మోకాళ్లు, తుంటి కీళ్లు సడలుతాయి.

కటి, ఉదర భావాలకు రక్తప్రసరణ మెరుగవుతుంది. 

గమనిక: మోకాళ్ళ నొప్పులు తీవ్రంగా వున్నవారు. దీనిని చేయొద్దు.



Recent Stories







bpositivetelugu

స్వతంత్ర దినోత్సవ శుభాకాంక్షలు.

ఎందరో వీరుల త్యాగం, మరెందరో మహానుభావుల స్వప్నం.. నేటి మన  స్వతంత్రం. 

MORE
bpositivetelugu

గురుదేవోభవ

మన సంస్కృతిలో గురువుకు ఎంతో విశిష్ఠమైన స్థానం ఉంది. ఇతర దేశాలకు భిన్నంగా మన దేశంలో గురువు కేవలం అధ్యాపకుడు 

MORE