కుక్కుటము అంటే కోడి. ఈ ఆసనంలో సాధకుడు శరీర బరువును అరచేతుల మీద నిలిపి కోడి మాదిరిగా కనిపిస్తాడు గనుక దీనికాపేరు వచ్చింది. జీర్ణ వ్యవస్థ పనితీరును మెరుగుపరచటంలో ఈ ఆసనం విశేషంగా దోహదపడుతుంది.

సాధన

  • ముందుగా పద్మాసనంలో కూర్చోవాలి. తర్వాత ధ్యాన ముద్ర తీసేసి రెండు చేతులనూ కాళ్లలో గుండా దూర్చి అరచేతులు నేలకు ఆనించాలి.
  • ఇప్పుడు అదే భంగిమలో ఉంటూ నెమ్మదిగా శరీరాన్ని పైకి లేపాలి. శరీర బరువంతా అరచేతుల మీద మోపుతూ అటూ ఇటూ పడిపోకుండా చూసుకోవాలి. శరీరాన్ని నిటారుగా ఉంచి చూపును ఎదురుగా ఉన్న వస్తువు మీద కేంద్రీకరించాలి.
  • ఈ భంగిమలో 10 సెకన్లు ఉండి నెమ్మదిగా శరీరాన్ని కిందికి తెచ్చి కూర్చొన్న భంగిమలోకి రావాలి.
  • తర్వాత మెల్లగా చేతులను కాళ్ళ మధ్యనుంచి తీసి తిరిగి పద్మాసనానికి రావాలి.
  • ఇలా రోజూ 5 సార్లు చొప్పున సాధన చేయాలి.

ప్రయోజనాలు

  • పైల్స్ బాధితులు ఈ ఆసనం సాధన చేస్తే సమస్య పూర్తిగా అదుపులో ఉంటుంది.
  • రోజూ ఈ ఆసనం సాధన చేస్తే భుజాలు, చేతులు, మణికట్లు, నడుము కండరాలు బలపడతాయి.
  • పొత్తి కడుపు వద్ద పేరుకున్న కొవ్వు కరుగుతుంది.
  • జీర్ణప్రక్రియ మెరుగుపడుతుంది.
  • ఊపిరి తిత్తులు విశాలమై శ్వాస మెరుగుపడుతుంది.
  • నిద్రాణంగా ఉన్న మూలాధార చక్రం చైతన్యవంతమవుతుంది.



Recent Stories







bpositivetelugu

స్వతంత్ర దినోత్సవ శుభాకాంక్షలు.

ఎందరో వీరుల త్యాగం, మరెందరో మహానుభావుల స్వప్నం.. నేటి మన  స్వతంత్రం. 

MORE
bpositivetelugu

గురుదేవోభవ

మన సంస్కృతిలో గురువుకు ఎంతో విశిష్ఠమైన స్థానం ఉంది. ఇతర దేశాలకు భిన్నంగా మన దేశంలో గురువు కేవలం అధ్యాపకుడు 

MORE