మహాయోగి మత్స్యేంద్రనాధుని చేత రూపొందించబడిన ఆసనమిది. మహిళల్లో ప్రత్యుత్పత్తి అవయవాల పనితీరును మెరుగుపరచడం తో బాటు వెన్ను, తొడ భాగాలను బలపరచడం దీని ప్రత్యేకత.

సాధన పద్దతి

  • ముందుగా చదునైన చోట మెత్తని వస్త్రం పరచుకొని రెండుకాళ్ళు చాపి విశ్రాంతి స్థితిలో కూర్చోవాలి.
  • ఇప్పుడు ఎడమ కాలిని మడిచి కుడి కాలి కిందికి తేవాలి.
  • తర్వాత కుడి కాలిని ఎడమ కాలి మీదుగా తీసుకు వెళ్ళి చిత్రంలో చూపినట్లుగా ముందుకు చాపాలి. కుడికాలు మణికట్టు, పాదం ఎడమకాలి మోచిప్పను తాకేలా చూసుకోవాలి. అదేసమయంలో కుడి కాలి తొడ ఉదరానికి అనేలా ఉంచాలి.
  • ఇప్పుడు అదే భంగిమలో ఉంటూనే నడుము పైభాగాన్ని కుడివైపు తిప్పాలి. ఈ క్రమంలో కుడి చేతిని వీపు చుట్టుగా పోనిచ్చి ఎడమ కాలి మోకాలిని తాకే ప్రయత్నం చేయాలి. ఎడమ అరచేతిని ఎడమ పాదం పైన ఉంచాలి. (నడుముచుట్టూ చేతిని తిప్పలేనివారు అరచేతిని నేలకు ఆనించి వీలున్న మేరకు శరీరాన్ని తిప్పినా చాలు.)
  • 20 సెకన్ల పాటు ఇదే భంగిమలో ఉండి శ్వాస వదులుతూ నెమ్మదిగా పూర్వ స్థితికి రావాలి.
  • ఇదే విధంగా ఈ సారి కుడికాలు మడిచి చేయాలి.

ఉపయోగాలు

  • వెన్నుపూసకు తగినంత వ్యాయామం లభిస్తుంది.
  • కాలేయం, పిత్తాశయం, ప్రేగుల మీది ఒత్తిడి తగ్గి, వాటి పనితీరు మెరుగుపడుతుంది.
  • అధికబరువు, ఊబకాయం, మధుమేహం, అజీర్తి వంటి సమస్యలకు చికిత్సగా పని చేస్తుంది.



Recent Stories







bpositivetelugu

మేలైన ఆరోగ్యానికి ఈ యాప్స్‌ వాడాల్సిందే ..!

ఇప్పటి రోజుల్లో ఎవరిచేతిలో చూసినా స్మార్ట్ ఫోన్ కనిపిస్తోంది. దీంతో పలు అవసరాలకు పనికొచ్చే యాప్స్ వినియోగం 

MORE
bpositivetelugu

మోక్షదాయని.. ముక్కోటి ఏకాదశి

తిథులలో ఏకాదశి ఎంతోవిశిష్టమైనది. శివకేశవులిద్దరికీ ఇష్టమైన ఈ తిథినాడు పగటి ఉపవాసంతో దైవారాధన, రాత్రి భగవన్నామ

MORE