ఎండాకాలంలో వేడి నుంచి శరీరాన్ని కాపాడుకునేందుకు సబ్జా గింజలు ఉపయోగపడతాయని మనకు తెలుసు. వీటినే 'రుద్రజడ' గింజలు అని కూడా  అంటారు. వీటిలోని సుగంధ తైలాల కారణంగా ఈ గింజలు అన్ని కాలాల్లో వచ్చే పలు అనారోగ్య సమస్యలకు ఔషధంగా పనిచేస్తాయి. ఆ వివరాలను గురించి ఇప్పుడు తెలుసుకుందాం.

ఉపయోగాలు

  • అంటువ్యాధులు.. మరీ ముఖ్యంగా అమ్మవారు పోసినప్పుడు నానబెట్టిన సబ్జా గింజలను కొబ్బరి నీళ్ళతో తాగిస్తే మంచి ఫలితం వుంటుంది.
  • గొంతులో మంట, ఆస్తమా, తీవ్రమైన జ్వరం, తలనొప్పి, మైగ్రేన్ వంటి సమస్యల బారిన పడినవారు సబ్జా గింజలు నానబెట్టిన నీరు తాగితే సమస్య తీవ్రత తగ్గుతుంది.
  • సబ్జా గింజల్లో ఉండే బోలెడంత పీచు కారణంగా అజీర్తి బాధితులు నానబెట్టిన సబ్జా గింజలు, నిమ్మరసం ,పంచదార కలిపిన నీరు తాగితే సమస్య దూరమై, సుఖ విరేచనం అవుతుంది.
  • బరువు తగ్గాలనుకునే వారు భోజనానికి కాస్త ముందు గ్లాసు నీళ్లలో సబ్జా గింజలను వేసుకుని తాగితే కడుపు నిండిన భావన కలిగి పరిమితంగా ఆహారం తీసుకుంటారు . అలాగే రోజూ రాత్రి పడుకోబోయే ముందు గ్లాసు సబ్జా గింజలు నాన బెట్టిన నీరు తాగితే శరీరం లో  వ్యర్దాలు తొలగి, అదనపు కేలరీలు కరిగి బరువు తగ్గుతారు. 
  • సబ్జా నీళ్లు తాగే మహిళల్లో రోగనిరోధక శక్తి పెరగటమే గాక తగినంత ఐరన్, ఫోలేట్ , నియాసిన్, విటమిన్ ఇ లభిస్తాయి. 
  • ఈ గింజల్లో పీచు ఎక్కువగా ఉండటం వల్ల మలబద్ధకం సమస్య నుంచి బయటపడొచ్చు.
  • టైప్2 మధుమేహ బాధితులు సబ్జా గింజలు వాడితే సమస్య అదుపులోకి వస్తుంది.
  • ఈ గింజల్ని నూరి నూనెతో కలిపి గాయాలు, పుండ్లపై రాస్తే త్వరగా మానతాయి.
  • క్రీడాకారులు రోజూ ఈ గింజలు తీసుకుంటే శరీరంలో తేమ తగ్గి నీరసించటమనే సమస్య రాదు. 
  • సబ్జా గింజల‌ను రోజూ తీసుకోవడం వల్ల రక్తపోటు అదుపులోకి వస్తుంది.
  • సబ్జా గింజల్లోని ఒమేగా 3 ఫ్యాటీ ఆమ్లాల వల్ల ఆర్థరైటిస్, చర్మ, హృదయ సంబంధిత సమస్యలు రావు.



Recent Stories







bpositivetelugu

మేలైన ఆరోగ్యానికి ఈ యాప్స్‌ వాడాల్సిందే ..!

ఇప్పటి రోజుల్లో ఎవరిచేతిలో చూసినా స్మార్ట్ ఫోన్ కనిపిస్తోంది. దీంతో పలు అవసరాలకు పనికొచ్చే యాప్స్ వినియోగం 

MORE
bpositivetelugu

ముక్తిసాధనకు గీతామార్గం

 భగవంతుడైనశ్రీకృష్ణుడు భక్తుడైనఅర్జునునుకి బోధించిన ఉపదేశసారమే భగవద్గీత. జీవితంలోఎదురయ్యే ప్రతి సమస్యకూ గీత 

MORE