శీతాకాలం అనగానే ముందుగా గుర్తొచ్చే పండు సీతాఫలం. ఆంగ్లంలో కస్టర్డ్ యాపిల్, షుగర్ యాపిల్ అని పిలిచే ఈ పండు కమ్మని రుచిగా ఉండటమే గాక ఆరోగ్యానికి చెప్పలేనంత మేలు చేస్తుంది.  సీతాఫలంతో బాటు ఈ చెట్టు ఆకు, బెరడు, గింజలలోనూ ఎన్నో ఔషధ గుణాలున్నాయి. యాపిల్ వంటి ఫలాలతో పోల్చితే చౌకేగాక అన్ని ప్రాంతాల్లో అందుబాటులో ఉంటుంది. అందుకే ఈ సీజన్లో తప్పక సీతాఫలం తిని మంచి ఆరోగ్యాన్ని సొంతం చేసుకుందాం.  

  • కొవ్వు అసలేమాత్రం లేని సీతాఫలంలో సులువుగా అరిగిపోతుంది గనుక అన్ని వయసుల వారూ హాయిగా తినొచ్చు.
  • బాగా నీరసంగా ఉన్నప్పుడు ఈ పండు తింటే శరీరానికి అవసరమైన తక్షణ శక్తి లభిస్తుంది.
  • సీతాఫలంలో ఉండే మెగ్నీషియం గుండె జబ్బులు రాకుండా చూస్తుంది. ఇందులోని విటమిన్ బి 6 శ్వాస సంబంధిత సమస్యలను దరిజేరనీయకుండా చూస్తుంది.
  • పేగుల్లోని నులిపురుగుల నివారణలో, కడుపులోని అల్సర్‌ తగ్గేందుకు మంచి ఔషధంలా పనిచేస్తుంది.
  • సీతాఫలంలోని పీచు, కాపర్ వల్ల జీర్ణప్రక్రియ మెరుగుపడి గ్యాస్‌, అసిడిటీ, అజీర్ణం, మలబద్దకం బెడద ఉండదు.
  • బక్కపలచగా ఉన్నవారు కప్పు సీతాఫలం గుజ్జులో చెంచా తేనె, 2 చెంచాల పాలు కలుపుకు తింటే వేగంగా బరువు పెరుగుతారు.
  • గర్భిణులు సీతాఫలం తింటే శిశువు మెదడు, నాడీ వ్యవస్థ చక్కగా పనిజేయటమే గాక గర్భస్రావం అయ్యే ముప్పు తగ్గుతుంది.
  • ఈ పండులో విరివిగా లభించే డైటరీ ఫైబర్ టైప్-2 మధుమేహాన్ని అదుపుచేస్తుంది. ఈ పండు తినేవారికి రక్తహీనత, రక్తంలోని చెడు కొలెస్ట్రాల్ తగ్గుతాయి. 
  • ఈ పండులో లభించే పొటాషియం, మెగ్నీషియం రక్తపోటును అదుపు చేసేందుకు దోహదపడతాయి.
  • సీతాఫలం చెట్టు ఆకుల్ని మెత్తగా నూరి బోరిక్‌ పౌడర్‌ కలిపి మంచం, కుర్చీల మూలల్లో ఉంచితే నల్లుల బెడద వదిలిపోతుంది.
  • మెరుగైన కీళ్ల ఆరోగ్యం, కంటి చూపు, చర్మ ఆరోగ్యాన్ని అందించేందుకు ఈ పండు ఉపయోగపడుతుంది.
  • వేవిళ్లు తగ్గాలన్నా, కాన్పు తర్వాత బాలింతలు బరువుతగ్గాలన్నా ఈ పండు తినాలి.
  • సీతాఫలం ఆకులను నూరి సెగగడ్డల మీద కట్టుకడితే ఒక్కరోజులో గడ్డ సమసిపోతుంది. 

గమనిక: లివర్, కిడ్నీ రోగాల బాధితులు,ఆస్తమా పీడితులు  సీతాఫలాన్ని తినకపోవటమే మంచిది.

               మధుమేహులు ఉదయాన్నే ఏ పండు తింటే ఒక్కసారి చక్కెర స్థాయిలు పెరిగే ముప్పు ఉంటుంది.  



Recent Stories







bpositivetelugu

చిన్నారుల్లో మానసిక ఒత్తిళ్లు

విషాదాలు మనుషులను చెప్పలేంతగా కుంగదీస్తాయి. వీటి ప్రభావాల నుంచి బయటపడేందుకు ఒక్కోసారి ఏళ్ళ సమయమూ

MORE
bpositivetelugu

జంటనగరాల బోనాల వేడుకలు

ఆషాఢమాసపు బోనాల ఆధ్యాత్మిక శోభతో యావత్ తెలంగాణా వెలుగుతోంది. ఎల్లమ్మ, మైసమ్మ, పోచమ్మ, పెద్దమ్మ, పోలేరమ్మ,

MORE