వంటగదిలో ఎప్పుడూ నిల్వ ఉంచుకొనే దుంప గూరల్లో బంగాళ దుంప ముఖ్యమైనది. ఆలూతో ఎప్పుడూ చేసే రొటీన్ గా చేసే వంటకాల స్థానంలో కాస్త వెరైటీ గా ఉండే ఆలూ, పెప్పర్ కర్రీ చేసి చూద్దాం. 

కావలసినవి

బంగాళా దుంపలు – పావుకిలో, ఉల్లిపాయ తరుగు – గుప్పెడు, పచ్చిమిర్చి- 3, పసుపు - పావు చెంచా, అల్లం వెల్లుల్లి మిశ్రమం- అర చెంచా, కరివేపాకు- 1 రెబ్బ, మిరియాల పొడి - అర చెంచా, ఉప్పు - రుచికి తగినంత, తాలింపు గింజలు- అరచెంచా, కొత్తిమీర తరుగు- చెంచా, నూనె- తాలింపుకోసం 

చేసే పద్దతి

 చెక్కు తీసిన బంగాళా దుంపలను పెద్ద పెద్ద ముక్కలుగా కోసుకొని నీళ్ళల్లో వేసుకోవాలి. పాన్‌లో నూనె వేడి చేసి తాలింపు గింజలు, కరివేపాకు వేసి తర్వాత ఉల్లి తరుగు వేసి మగ్గే వరకు వేయించాలి. ఇప్పుడు ఇందులో పసుపు, నిలువుగా చీల్చిన పచ్చిమిర్చి వేసి మరో 5 నిమిషాలు వేయించాలి. తర్వాత అల్లం వెల్లుల్లి వేసి కలిపి అందులో బంగాళా దుంప ముక్కలు, తగినంత ఉప్పువేసి బాగా కలిపి మూత పెట్టాలి. ముక్కలు కొద్దిగా మగ్గిన తర్వాత కప్పుడు నీళ్లు పోసి 5 నిమిషాల పాటు ఉడికించాలి. ముక్క ఉడికిన తర్వాత గరిటతో కాస్త మెదిపి దానిపై మిరియాల పొడి చల్లి కలిపి 3 నిమిషాల తర్వాత కొత్తిమీర తరుగు చల్లి దింపేయాలి. ఈ కూరను పుల్కా, పూరీ, చపాతీ, దోశలతో తింటే ఎంతో రుచిగా ఉంటుంది. 



Recent Stories







bpositivetelugu

మేలైన ఆరోగ్యానికి ఈ యాప్స్‌ వాడాల్సిందే ..!

ఇప్పటి రోజుల్లో ఎవరిచేతిలో చూసినా స్మార్ట్ ఫోన్ కనిపిస్తోంది. దీంతో పలు అవసరాలకు పనికొచ్చే యాప్స్ వినియోగం 

MORE
bpositivetelugu

ముక్తిసాధనకు గీతామార్గం

 భగవంతుడైనశ్రీకృష్ణుడు భక్తుడైనఅర్జునునుకి బోధించిన ఉపదేశసారమే భగవద్గీత. జీవితంలోఎదురయ్యే ప్రతి సమస్యకూ గీత 

MORE