చూసేందుకు ముళ్ళ మొక్కలా కనిపించే కలబందకు ఔషధ మొక్కలలో ముఖ్యమైన స్థానం ఉంది. సంస్కృతంలో ఘృతకుమారిగా పిలిచే కలబందను ఆయుర్వేదవైద్యంతో బాటు పలు సౌందర్య ఉత్పత్తుల తయారీలో విరివిగా వాడుతున్నారు. అన్ని వాతావరణాల్లో పెరిగే కలబందను ఇళ్లలో కుండీల్లో కూడా సులభంగా పెంచుకోవచ్చు. ఆరోగ్య పరిరక్షణలో కలబంద ఎంతగా ఉపయోగపడుతుందో తెలుసుకుందాం.  

ఉపయోగాలు

  • తాజా కలబంద గుజ్జు అజీర్తి, కడుపుబ్బరం, కడుపులో మంట,గ్యాస్ వంటి సమస్యలతో బాటు రక్తశుద్ధికి దోహదం చేస్తుంది.
  • కలబంద గుజ్జు వినియోగంతో గ్రంధుల వాపులు, ప్లీహ, కాలేయ కామెర్ల వ్యాధులు నివారించబడతాయి.
  • లైంగిక శక్తిని పెంపొందించడంలో కలబంద గుజ్జు ఎంతగానో మేలుచేస్తుంది.
  • కలబంద గుజ్జు, తేనె మిశ్రమంలో వేపిన ఇంగువ కలిపి తీసుకొంటే హిస్టీరియా సమస్య దూరమవుతుంది.
  • శరీర వాపు, నొప్పుల బాధితులు వేడిచేసిన గుజ్జు రాసుకొంటే మంచి గుణం కనిపిస్తుంది.
  • వేసవిలో కలబంద గుజ్జును చక్కెర తో కలిపి తీసుకొంటే ఒంట్లోని వేడి తగ్గుతుంది. ఎండ నుంచి రక్షణ, కీటకాలు కుట్టినపుడు ప్రథమ చికిత్సగా ఉపయోగపడుతుంది.
  • కలబంద గుజ్జు, పసుపు కలిపి ముఖానికి పట్టించి, ఆరాక చల్లని నీటితో కడుక్కొంటే ముఖంమీది మురికిపోయి చర్మం మెరుస్తుంది.
  • చర్మం మీది నల్లని మచ్చలపై కలబంద గుజ్జు రాస్తే వారం రోజుల్లో ఆ మచ్చలు తొలగిపోతాయి.
  • కలబంద గుజ్జును జుట్టుకు పట్టించి గంట తరువాత తలస్నానం చేస్తే జుట్టు పెరగటమే గాక నిగారింపు వస్తుంది. జుట్టు రాలడం, బాల నెరపు, జుట్టుకోనలూ పొడిబారి చిట్లటం, చుండ్రు వంటి సమస్యలూ దూరమవుతాయి.
  • తలలోని పేలు చేసిన గాయాలు, దుమ్ము కారణంగా పుట్టే దురదను కలబంద గుజ్జు తగ్గిస్తుంది.



Recent Stories







bpositivetelugu

ధన్యజీవులు

 అభిరుచి మేరకు మనిషి ఏ రంగంలోనైనా ఎదగవచ్చు. అయితే , ఆ రంగంలో తాను ఉన్నత స్థితికి చేరేనాటికి, 

MORE
bpositivetelugu

ఐక్యతానురాగాల ప్రతీక.. రక్షాబంధన్

  దేవతారాధన, ప్రకృతి ఆరాధన, ఆత్మీయతానురాగబంధాల కలయికే శ్రావణ మాసం. ఈ విషయంలో ఈ మాసంలో వచ్చే పౌర్ణమి మరింత 

MORE