నిమ్మజాతి పండ్లలో నారింజ ముఖ్యమైన ఫలం. తీపి, పులుపు కలగలసిన రుచితో బాటు బోలెడన్ని పోషకాలనందించే నారింజ ఆరోగ్యానికి ఎంతో మేలు చేస్తుంది. నారింజను సంస్కృతంలో 'నారంగ-ఐరావతి' అనీ, హిందీలో 'నారంగీ', 'సంతరా' అంటారు. నారింజ శరీరపు కఫ, వాత, అజీర్ణాలను హరించి శరీరానికి బలం, తేజస్సు కలిగించి యవ్వనాన్ని పెంపొందించటమే గాక మూత్రం సాఫీగా వచ్చేలా చేస్తుందని ఆయుర్వేదం చెబుతోంది. నారింజలో పుల్ల, తీపి నారింజ అనే 2 రకాలున్నాయి. వీటిలో వానాకాలంలో వచ్చే పుల్ల నారింజలో నీరు అధికంగా, లవణాలు తక్కువగా, వేసవిలో వచ్చే తీపి నారింజలో కాస్తాయి. వీటిలో నీరు తక్కువ, లవణాలు ఎక్కువ.

ప్రత్యేకతలు

  • నారింజలో తక్కువ విటమిన్ ‌- ఏ, బి, ఎక్కువ విటమిన్‌ - సి ఎక్కువగా ఉంటాయి. రోజుకు ఒక గ్లాసు నారింజ రసం త్రాగితే రోజుకు కావాల్సిన విటమిన్‌ లభిస్తుంది.
  • నారింజ పండు తొనల పైపొరల్లో విరివిగా ఉండే కాల్షియం దేహ ధాతువుల్లో సులభంగా కలసిపోతుంది.
  • నారింజ రసం మంచి శక్తిని అందిస్తుంది. నారింజ సహజసిద్ధంగా పండినప్పుడు, దానిలోని పిండిపదార్ధాలు చక్కెరగా మారి తిన్న పండు సులభంగా జీర్ణమవుంటుంది.
  • జీవక్రియల్లో కీలకపాత్ర పోషించే సోడియం, పొటాషియం, మెగ్నీషియం, రాగి, గంధకం, క్లోరిన్‌లు నారింజలో లభిస్తాయి.

ఉపయోగాలు

  • మలబద్ధక బాధితులు రోజూ రాత్రి పడుకునే ముందు, ఉదయం స్నానానంతరం 2 నారింజ పండ్లు తింటే సుఖవిరేచనం అవుతుంది.
  • నారింజ పండు వినియోగంతో రోగ నిరోధక శక్తి పెరిగి ఉబ్బసం, శ్వాసకోశ వ్యాధులు ఉపశమిస్తాయి.
  • చిగుళ్ల వాపు, రక్తం కారటం, నోటి దుర్వాసన వంటి పలు దంత సమస్యల బాధితులు నారింజ రసాన్ని సేవిస్తే ఇబ్బంది తగ్గుతుంది.
  • జ్వరం, అనారోగ్యం కారణంగా జీర్ణశక్తి తగ్గినప్పుడు నారింజను వాడితే వేగంగా కోలుకోవటమే గాక జీర్ణ శక్తి పుంజుకొంటుంది. నారింజ వినియోగంతో పేగుల్లోని క్రిములు నశిస్తాయి.

పోషకాల నారింజ

నీరు - 87.8%

కాల్షియం - 0.5% మై.గ్రా

మాంసకృత్తులు - 0.9%

పిండి పదార్ధలు - 10.6%

సల్ఫర్ - 0.2% మై.గ్రా

క్రొవ్వు - 0.3%

ఐరన్ - 01% మై.గ్రా

లవణాలు - 0.4%

విటమిన్‌ - ఏ - 350 I.U

విటమిన్‌ - బి1 - 120 I.U

విటమిన్‌ - సి - 68 I.U



Recent Stories







bpositivetelugu

మేలైన ఆరోగ్యానికి ఈ యాప్స్‌ వాడాల్సిందే ..!

ఇప్పటి రోజుల్లో ఎవరిచేతిలో చూసినా స్మార్ట్ ఫోన్ కనిపిస్తోంది. దీంతో పలు అవసరాలకు పనికొచ్చే యాప్స్ వినియోగం 

MORE
bpositivetelugu

ముక్తిసాధనకు గీతామార్గం

 భగవంతుడైనశ్రీకృష్ణుడు భక్తుడైనఅర్జునునుకి బోధించిన ఉపదేశసారమే భగవద్గీత. జీవితంలోఎదురయ్యే ప్రతి సమస్యకూ గీత 

MORE