శీతాకాలంలో తగినంత మంచి నీరు తాగే అలవాటు తప్పటం సహజమే. దీనివల్ల జీవక్రియల నిర్వహణ లోపాలు తలెత్తే అవకాశం ఉంది. ఈ సమస్యను నివారించాలంటే చలికాలం తీసుకొనే ఆహారంలో సలాడ్ ను చేర్చుకోవాల్సిందే. దీనివల్ల మేలైన పోషకాలతో బాటు శరీరానికి తగినంత నీరు కూడా అందుతుంది. సలాడ్ మూలంగా చర్మం పొడిబారటం వంటి సమస్యలు దూరమై చర్మం కొత్త కాంతిని సంతరించుకొంటుంది. అందుకే ఈ రోజు మంచి రుచి, పోషకాల సమాహారమైన పైనాపిల్‌ కీర సలాడ్‌ చేసుకు తిందాం.

కావలసినవి

పైనాపిల్‌ ముక్కలు -1 కప్పు, కీరా తరుగు - 1 కప్పు, చెర్రీ టొమాటోలు -6 (సగానికి కోయాలి), లెట్టూస్‌ తరుగు- అరకప్పు, కొత్తిమీర తరుగు - 2 చెంచాలు, నిమ్మరసం - 2 చెంచాలు, తేనె - చెంచా, శెనగపప్పు - చెంచా (నేరుగా వేయించి పలుకులుగా చేయాలి), ఉప్పు, నల్ల మిరియాల పొడి- రుచికి తగినంత.

తయారీ

 వెడల్పాటి గిన్నెలో నిమ్మరసం, తేనె, శెనగపప్పు పొడి, ఉప్పు, బ్లాక్‌ పెప్పర్‌ పొడి వేసి కలిపి అందులో పైనాపిల్‌, కీరా, చెర్రీ టొమాటో ముక్కలు, లెట్టూస్‌ ఆకులు, కొత్తిమీర తరుగు వేసి బాగా కలపాలి. ఈ సలాడ్‌ని అప్పటికప్పుడు తింటే రుచిగా ఉంటుంది. 

కేలరీ కౌంట్

ప్రొటీన్‌- 2.4 గ్రా

కొవ్వు- 0.3 గ్రా

కొలెస్ట్రా‌ల్‌- 13.5 గ్రా

విటమిన్‌ ఎ - 409.1 మై. గ్రా

విటమిన్‌ సి - 35.4 మి. గ్రా

కాల్షియం - 51.5 మి. గ్రా

ఐరన్‌ - 2.2 మి. గ్రా

ఫోలిక్‌ యాసిడ్‌ - 21.3 మై. గ్రా

ఫైబర్‌ - 1.0 గ్రా



Recent Stories







bpositivetelugu

సంతోషమయ జీవితానికి..

మనిషి సంతోషంగా జీవితాన్ని గడపాలంటే సంతృప్తి చాలా అవసరం. అయితే మనిషి కోరికలు అనంతం. ఎన్ని కోరికలు తీరినా, మళ్లీ 

MORE
bpositivetelugu

నేడే శుభ శుక్రవారం

మానవాళి పాపాలను దేవుని కుమారుడైన  ఏసుక్రీస్తు తాను  శిలువనెక్కి మోశారు. సిలువపై ఆయన తన రక్తాన్ని చిందించి సమస్త 

MORE