దంపతుల అనురాగానికి ప్రతిరూపమే సంతానం. పుట్టినది మొదలు నవజాత శిశువు అనేక బాలారిష్టాలను అధిగమిస్తూ ఎదగాల్సి ఉంటుంది. ఈ క్రమంలో బిడ్డ ఆరోగ్యం విషయంలో తల్లిదండ్రులు అనుక్షణం అప్రమత్తంగా ఉండాలి. పసిపిల్ల పెంపకం మీద సరైన అవగాహన ఉన్నప్పుడే ఇది సాధ్యం. పసిపిల్లల ఆరోగ్య సంరక్షణకు సంబంధించిన కొన్ని ముఖ్యమైన అంశాల గురించి తెలుసుకుందాం. 

  • అధిక సంతానం వద్దు. దీనివల్ల తల్లి, బిడ్డ ఆరోగ్యం దెబ్బతింటుంది.
  • 20 నుండి 28 సంవత్సరాల వయసు మధ్యలో గర్భధారణకు అనువైన సమయం ఉంటుంది గనుక ఆడపిల్లకు కనీసం 18 ఏళ్ళు నిండిన తర్వాతే వివాహం చేయాలి.
  • బిడ్డకు బిడ్డకు మధ్య కనీసం 3 ఏళ్ళు తేడా ఉండేలా చూసుకోవాలి.
  • గర్భం ధరించిన మహిళ ప్రతినెలా వైద్యునిచేత పరీక్షలు చేయించుకోవటంతో బాటు ఆసుపత్రి ప్రసవానికి ప్రాధాన్యత ఇవ్వాలి.
  • గర్భిణిగా ఉన్నప్పుడు మంచి పోషకాహారం తీసుకోవటంతో బాటు మానసిక ఒత్తిళ్లకు దూరంగా ఉండాలి.
  • బిడ్డకు కనీసం 6 నెలల వయసు నిండే వరకు తప్పనిసరిగా తల్లిపాలు ఇవ్వాలి. 6వ నెల నుంచి పాలతో బాటు తేలికపాటి ఆహారం అందించాలి.
  • మూడేళ్లలోపు పిల్లలకు పప్పు, నెయ్యి, పాలు, గుడ్లు, కూరగాయలు తదితరాలతో కూడిన పోషకాహారాన్ని విధిగా అందించాలి.
  • పిల్లలకు విరేచనాలవుతుంటే రోజూ కంటే ద్రవ పదార్థాలు అధికంగా ఇవ్వాలి. పిల్లలకు కాచి వడపోసి, చల్లార్చిన నీరు మాత్రమే ఇవ్వటం మంచిది.
  • పిల్లల వ్యక్తిగత పరిశుభ్రతకు అధిక ప్రాధాన్యం ఇవ్వాలి. మల, మూత్ర విసర్జన తర్వాత, ఆహారం తినే ముందు పిల్లలతో బాటు పెద్దలు సైతం చేతులు సబ్బు, నీళ్లతో శుభ్రంగా కడగాలి.
  • పిల్లలు ఏదైనా అనారోగ్యం పాలై కోలుకున్న తర్వాత పూర్వం కంటే ఎక్కువ ఆహారం అందించాలి. 
  • పిల్లల బరువును ఎప్పటికప్పుడు గమనిస్తూ తగిన పోషకాహారం అందించాలి.
  • వైద్యులు సూచించిన సమయానికి ఆయా టీకాలు వేయించాలి.
  • పిల్లలు శ్వాసపీల్చుకోవడం ఇబ్బంది అయితే వైద్య సలహా పొందాలి.



Recent Stories







bpositivetelugu

సంతోషమయ జీవితానికి..

మనిషి సంతోషంగా జీవితాన్ని గడపాలంటే సంతృప్తి చాలా అవసరం. అయితే మనిషి కోరికలు అనంతం. ఎన్ని కోరికలు తీరినా, మళ్లీ 

MORE
bpositivetelugu

నేడే శుభ శుక్రవారం

మానవాళి పాపాలను దేవుని కుమారుడైన  ఏసుక్రీస్తు తాను  శిలువనెక్కి మోశారు. సిలువపై ఆయన తన రక్తాన్ని చిందించి సమస్త 

MORE