భారతీయ సంప్రదాయ వైద్యం ఆయుర్వేదం. రోజువారీ జీవితంలో ఎదురయ్యే ఎన్నో అనారోగ్యాలకు ఆయుర్వేద చిట్కా వైద్యం ఎంతగానో ఉపకరిస్తుంది. వీటివల్ల ప్రతి చిన్న సమస్యకూ వైద్యుడిని ఆశ్రయించే ఇబ్బందీ తప్పుతుంది. అలాంటి కొన్ని చిట్కాలు..

  • మూత్ర కోశ సమస్యలతో బాధపడే వారు ముల్లంగిని ఆకులతో సహా కూరగా చేసుకుని లేదా మెత్తగా రుబ్బి రసం తీసి మంచి గుణం కనిపిస్తుంది.
  • కిడ్నీ నొప్పి బాధితులు రోజూ రెండుపూటలా అరచెంచా చొప్పున పచ్చి మెంతులు లేదా పెరుగులో నానబెట్టిన మెంతులు తింటే నొప్పి తగ్గుతుంది.
  • కాటరాక్ట్, గ్లూకోమా వల్ల కంటిచూపు దెబ్బ తిన్నవారు 10 మిల్లీలీటర్ల చొప్పున తెల్ల ఉల్లిపాయ రసం, అల్లం రసం, నిమ్మ రసం కలిపి దాన్ని 3 చెంచాల తేనెతో కలిపి సమస్య తీవ్రత తగ్గి కంటి చూపు మెరుగుపడుతుంది.
  • చిగురు వాపు, ఇన్ఫెక్షన్ తదితర కారణాల వల్ల పండ్ల వెంట రక్తం కారుతుంటే 1 ఉల్లిపాయ, ఉప్పు కలిపి నూరి ఆ మిశ్రమంతో దంతాలను, చిగుళ్ళను రుద్దితే వెంటనే రక్తం కారటం ఆగిపోతుంది.
  • 4 పుదీనా కట్టలు, 10 గ్రాముల చొప్పున మిరియాలు,శొంఠి కలిపి మెత్తగా నూరి బఠాణీ గింజంత గుళికలు చేసి నీడలో ఆరబెట్టాలి. వీటిని డబ్బాలో నిల్వ చేసుకొని రోజుకు 3 (పూటకొకటి) చొప్పున 3 నెలల పాటు తీసుకుంటే ఎంతటి ఊబకాయమైనా తగ్గుతుంది.
  • మూత్రనాళంలో రాళ్లు ఏర్పడి సమస్యగా మారినప్పుడు 100 గ్రాముల ఉల్లిపాయల్ని బాగా చితక్కొట్టి అర లీటరు నీటిలో ఉడికించాలి. ఆ నీటిని చల్లార్చి రోజుకు 3 సార్లు చెంచా చక్కెర కలిపి తాగితే మూత్రనాళపు రాళ్లు కరిగిపోతాయి.
  • కాలిన గాయాలకు మగ్గిన అరటిపండు గుజ్జు రాస్తే మంట తగ్గటమే గాక గాయం త్వరగా నయమవుతుంది.
  • తలలో పేలు పడితే 5 చెంచాల గోరువెచ్చని కొబ్బరి నూనెలో 4 కర్పూరం బిళ్ళలు అరగదీసి తలకు పట్టిస్తే పేల బెడద వదిలిపోతుంది.
  • జుట్టు రాలటం ఆగాలంటే 2 చెంచాల సగ్గుబియ్యాన్ని గంట సేపు నీటిలో నాననిచ్చి 5 నిమిషాలు ఉడికించి అందులో కాస్త చక్కెర, ఉప్పు కలిపి 10 రోజులు తింటే జుట్టు రాలటం తగ్గుతుంది.
  • రాత్రి నిద్రకు ముందు పాదాలను కడిగి తుడిచి కొబ్బరినూనె రాస్తుంటే ఎంతటి పగిలిన పాదాలైనా వారం రోజుల్లో మెత్తబడతాయి. 



Recent Stories







bpositivetelugu

మేలైన ఆరోగ్యానికి ఈ యాప్స్‌ వాడాల్సిందే ..!

ఇప్పటి రోజుల్లో ఎవరిచేతిలో చూసినా స్మార్ట్ ఫోన్ కనిపిస్తోంది. దీంతో పలు అవసరాలకు పనికొచ్చే యాప్స్ వినియోగం 

MORE
bpositivetelugu

ముక్తిసాధనకు గీతామార్గం

 భగవంతుడైనశ్రీకృష్ణుడు భక్తుడైనఅర్జునునుకి బోధించిన ఉపదేశసారమే భగవద్గీత. జీవితంలోఎదురయ్యే ప్రతి సమస్యకూ గీత 

MORE